مجربات قرآنی

البونی

سورہ انعام کی آیت 'لا تدرکه الابصار وھوا یدرک الابصار وھو اللطف الخبیر' کے بعد اسم یا لطیف ١٢٩ بار صبح و شام پڑھنا اس شخص کو فائدہ دے گا جس کو  کسی ظالم کا خوف ہو

سورہ یوسف کی آیت 'ان ربی لطیف لما یشاء انه ھو العلیم الحکیم' کے بعد ١٢٩ بار 'یا لطیف' پڑھنا رنج و سختی شدت سے نجات دیتا ہے 

سورہ شوریٰ کی آیت ' الله لطیف بعبادہ یرزق من یشاء و ھو القوی العزیز' جو شخص اس آیت اور اسم یا لطیف کو  ہر روز پڑھے تو دنیا اسکے پاس کثرت سے آئے گی 

سورہ ملک کی آیت 'الا یعلم من خلق و ھو اللطیف الخبیر' کو اسم یا لطیف کے ساتھ جو شخص روز صبح و شام کسی منصب کے حصول کی نیت سے پڑھے تو اسے کامیابی حاصل ہو گی 

جس شخص کو کوئی حاجت ہو وہ دو رکعت نماز حاجت پڑھے ، اس طرح کہ ہر رکعت میں فاتحہ کے بعد سورہ اخلاص تین بار پڑھے ...اس کے بعد قبلہ رو ہو کر پورے یقین کے ساتھ سات مرتبہ سورہ فاتحہ پڑھے اور پھر جو دعا کرے ، جو حاجت طلب کرے گا پوری ہو گی.نیز جو شخص چالیس روز تک فجر کی سنتوں اور فرائض کے درمیان اکتالیس بار سورہ فاتحہ پڑھے گا تو اسکی حاجت بھی پوری ہو گی 

 امام جعفر الصادق (علیہ سلام)

    روزگار سے متعلقه مسائل کے حل کیلئے 

ما شا الله لا قوته الا باللہ

حاکم، افسر، بادشاہ کی طرف سے ظلم و زیادتی کا خوف ہو تو 

افوض امری الی الله ان الله بصیر بالعباد

عام لوگوں کی دشمنی ، حسد وغیرہ کا اندیشہ ہو تو 

حسبنا الله و نعم الوکیل

اور کوئی بھی پریشانی ہو چھوٹی یا بڑی تو 

لا الہ الا انت سبحانک انی کنت من الظلمین

غزالی 

سورہ بنی اسرائیل کی آیت 'رب ادخلنی مدخل صدق و اخرجنی مخرج صدق ، واجعل لی من لدنک سلطانا نصیرا' کسی مجلس وغیرہ میں جانے سے پہلے یا حاکم کے سامنے جانے سے پہلے پڑھے  گا تو خوب عزت و تکریم پائے گا 

سورہ مومنون کی آیت نمبر ستانوے 'وقل رب اعوذبک من ھمزات الشیاطین و اعوذبک ان یحضرون' جو پڑھے ، اسے اسکی حاجات بن مانگے عطا ہوں گی 

جس شخص کو مرگی ہو اس پر کوئی نیک شخص 'المص، طه، طسم، کھیعص، یٰس والقران الحکیم،حمعسق، ن والقلم وما یسطرون' پڑھ کر پھونک دے تو مرگی دوبارہ نہ لوٹے گی انشا الله       

علم قیافہ (physiognomy / ilm-e-qyafa lesson in urdu)

علم قیافہ 
علم قیافہ ایک بہت وسیع علم ہے .ذیل میں کوشش کی گیی ہے کہ جسمانی اعضا و ساخت سے متعلق قیافے پر کچھ روشنی ڈالی جائے   

قد 

اگر کسی خطے کے آدمی کا قد و کاٹھ وہاں کےاوسط قد و کاٹھ سے بہت زیادہ ہو تو یہ اس شخص کے احمق ہونے کی دلیل ہے اور اگر قد اوسط سے نمایاں طور پر کم ہو تو یہ اس شخص کے ممکنہ طور پر فسادی و کم عقل ہونے کی دلیل ہے... اور اگر اوسط کے لگ بھگ پاس پاس ہو تو یہ اس شخص کے ہوشیار و عقلمند ہونے کی دلیل ہے

عورت کا قد کاٹھ معمول سے لمبا ہو تو اس کے نیک ہونے کی نشانی ہے .درمیانے قد والی اپنے شوہر کو پیاری ہوتی ہے اور معمول سے بہت چھوٹے قد کی عورت ممکنہ طور پر فحش چیزوں میں دلچسپی لینے والی اور بدکردار ہوتی ہے

پیشانی 

کشادہ پیشانی بلند حوصلگی اور نیکی و شرافت کی نشانی سمجھی جاتی ہے اور چھوٹی پیشانی بدقسمتی کی ...مگر یہاں یہ ذہن میں رہے کہ کشادگی یا تنگی سے مراد یہاں ایک کان کی لو سے دوسرے کان کی لو کے فاصلے کے تقابل میں چوڑائی مراد ہے

اگر پیشانی کی چوڑائی ، لمبائی کا ایک چوتھائی یا اس سے جتنی زیادہ ہو تو اتنا ہی نیک فطرت ہونے کی نشانی ہے.چہرے کی کل چوڑائی ، چہرے کی کل لمبائی سے دو تہائی یا اس سے جتنی کم ہو نیک فطرت کی علامت ہے 

پیشانی کا اوپر کا حصہ  ابھرا ہوا ہو تو موجد ہونے کی نشانی اور عمدہ چال چلن کی نشانی ہے جبکہ نیچے کا حصہ ابھرا ہوا ہو تو اس کا مطلب ہے کہ نیک کام کا رجحان ہو گا یعنی سوشل ویلفئر کے کاموں میں رجحان ہو سکتا ہے 

پیشانی پر تکون ، ترشول، مچھلی ، ترازو ، پنکھا ، تلوار کے نشان ہونا اچھی علامت نہیں مانا گیا.پیشانی پر سرخ رنگ کی ناڑیں ہونا کم عمری کی نشانی ہے جبکہ سبز ناڑیں مبارک مانی گیی ہیں  

عورت کی پیشانی چوڑی اور ابھری ہوئی ہو تو اسکے سسر کو جلدی موت آنے کی ممکنہ نشانی ہوتی ہے .پیشانی اونچی ہو تو وہ خود بیوہ ہو جائے.ماتھے پر کوئی نشان ہو تو نیک اور ملنسار عورت ہو گی

سر 

سر (بغیر بالوں کے، کھوپڑی کا سائز مراد ہے) اگر معمول سے تمہیں طور پر بڑا ہو تو اسکا مطلب ہے کہ آدمی حد سے زیادہ عقلمند و ذہین و فطین ہے اور اگر معمول سے نمایاں طور پر چھوٹا ہو تو بیوقوفی کی دلیل ہے.سر گول ہونا اور آنکھیں گول ہونا خوش قسمتی کی علامت ہے.اگر مرد کے ساتھ ایسا معاملہ ہو تو اس کا مطلب ہے کہ اس کی بیوی امیر خاندان سے ہو گی 

گردن و پیٹ کے بل 

گردن پر اگر ایک بل پڑے تو درازی عمر ، دو بل پڑیں تو خود کوشش کر کے امیر ہونے والا یعنی سیلف میڈ، تین بل پڑیں تو دولت مند مگر بدفعل ، چار بل پڑیں تو برا شگون ہے اور پریشانی کا گھر ہو گا.کسی بل کا نہ پڑنا بھی دولت مندی کی نشانی ہے

پیٹ پر ایک بل پڑے تو ایسا آدمی جنگ و لڑائی ، جھڑپ میں مارا جائے گا.دو بل پڑیں تو ایسا آدمی عیاش ہو گا.تین بل والا ناصح ہو گا اور چار بل والا صاحب علم و صاحب اولاد ہو گا.پانچ بل والا حکمران ہو گا یعنی پانچ بل راجہ یوگ ہے اور کوئی بل نہ پڑے تو دولت مند ہو گا  

پاؤں

اگر کوئی شخص چلتے ہوئے پاؤں ٹیڑھا رکھے تو اس کا مطلب ہے کہ وہ شخص کاہل الوجود ہے.اگر پاؤں کی بناوٹ ٹیڑھی ہو تو اس کا مطلب ہے کہ وہ شخص چغل خور اور خلقت کو نقصان پہنچنے والا ہو گا.نیکی کا بدلہ بھی ہمیشہ بدی سے دے گا.اگر پاؤں کا تلا سرخ (یا گلابی) رنگ کا ہو تو وہ شخص حوصلہ مند ہوتا ہے اور فیض پہنچاتا ہے.چھوٹا یا چوڑا پاؤں ہونا مفلسی کی دلیل ہے اور متوسط پاؤں ہونا اوسط حالی کی دلیل ہے اور پاؤں پر گوشت ہونا خوش قسمتی کی نشانی ہے
بال 
اگر ہر مسام سے ایک بال پیدا ہو تو اچھا شگون ہے، راجہ یوگ ہے.ایسا شخص حکمران بن سکتا ہے.ایک مسام سے دو بال پیدا ہوں تو ایسا شخص ہنر مند اور عقلمند ہو گا.ہر مسام سے تین بال پیدا ہوں تو خدا پرست ہو گا ، چار پیدا ہوں تو مفلس و بے ہنر ہو گا.سارے جسم پر زیادہ بال ہوں تو بدنصیب ہو گا.چھاتی پر زیادہ بال ہوں تو تمام عمر کسی کا غلام / نوکر رہے گا اور چھاتی پر بالکل ہی بال نہ ہوں تو آدمی ناقابل بھروسہ ہے.تمام جسم پر حد سے زیادہ بال ہوں تو تنگ حال ہو گا 

بازو 

مرد کے بازو اگر باقی جسم کے اعتبار و تناسب سے چھوٹے ہوں تو ممکنہ طور پر مفلس ہو گا ، لمبے بازو ہوں گے تو سخت گیر ، فسادی اور لڑاکا ٹائپ آدمی ہو گا اور اگر درمیانے و متناسب ہوں تو محنتی و ملنسار ہو گا 

عورت کے بازو لمبے ہونا اس کی خوش قسمتی کی دلیل ہے.چھوٹے اور ٹیرھے بازو ہونا عورت کی بدبختی اور بانجھ پن کی دلیل ہو سکتا ہے.اگر بازو چھوٹے اور پرگوشت ہوں تو اس بات کی نشانی ہے کہ عورت کا خاوند کسی اْونچے مقام پر ہے اور چوڑے بازو ہونا ممکنہ طور پر عورت کے بدکردار ہونے کی نشانی ہے

انگوٹھا 

انگوٹھےکی تین پوریں دیکھی جاتی ہیں.سب سے اوپر والی یعنی  ناخن والی پور مرضی یا قوت ارادی ، درمیانی پور منطق یا دلیل اور نچلی پور عشقیہ طبیعت کو ظاہر کرتی ہے.اوپر والی پور کو بچپن، درمیانی کو جوانی اور نچلی کو بڑھاپے سے تعبیرکیا جاتا ہے.اوپر والی پور روحانی ، درمیانی  جسمانی اور آخری نفسانی طاقت کو ظاہر کرتی ہے.جتنا لمبا انگوٹھا ہو گا اتنا زیادہ شہوت پر کنٹرول ہو گا (یا باالفاظ دیگر لمبے انگوٹھے والے لوگ خشک طبع ہوں گے).ناخن والی پور جتنی چھوٹی ہو گی ، اتنا ہی وہ شخص وحشی و حیوانی ہو گا اور تنگ حوصلہ و کم دولت بھی ہو گا.نارمل ریلیکس حالت میں انگوٹھے کا ہتھیلی کی طرف  جھکنا طبعیت کی درشتی جبکہ الٹ  سمت میں پشت کی جانب جھکنا نرمی کی دلیل ہے
کان و ابرو
مرد کے کان اگر حد سے زیادہ لمبے ہوں تو لمبی عمر ہو گی مگر عقل کم ہو گی.عورت کے کان لمبے ہوں تو قوی ہاضمہ اور عقلمند ہو گی.مرد کے کان چھوٹے ہوں تو عقلمند اور عورت کے چھوٹے ہوں تو بیوقوف ہو گی
ہونٹ
اگر ہونٹ لمبے اور موٹے ہوں تو مرد کم عقل ہو گا.ہونٹ بہت لمبے ہوں تو مرد چور بدمعاش ہو گا.باریک اور سرخ رنگ کے ہوں تو معتدل مزاج، ایک ہونٹ بڑا اور دوسرا چھوٹا ہو تو بدبخت، نیچے والا بڑا ہو تو جلد ناراض ہونے والا ہو گا
سرخ ہونٹ دانائی ، عقلمندی اور بھلا مانس ہونے کی نشانی ہیں جبکہ نیلا ، سیاہ یا سفید ہونٹ بدبختی و مفلسی کی علامت ہے
آنکھ
آنکھ جس قدر ابھری ہوئی ہو گی اور بڑی ہو گی ، اسی قدر نیک اور روحانی طاقت والا ہو گا.جتنی چھوٹی ، گول اور اندر کو دھنسی ہوئی آنکھیں ہوں گی اتنا ہی شریر ، مکار ، مطلب پرست اور تند مزاج ہو گا.اور اگر آنکھ کسی جانور سے ملتی ہو تو انسان میں اسی جانور کی خصلت زیادہ پائی جائے گی.
چھوٹی آنکھ            = کم حوصلگی
گول آنکھ                 =بہت زیادہ سفر کی علامت
گہری آنکھ               =خود غرض و بے وفا
گول ، گہری ، سیاہ    = سانپ کی فطرت
گول ، گہری ، بھوری =بہت شادیاں کرنے والا مگر پھر                                    بھی عورت سے سکھ نہ ملے
  بڑی و روشن           = عقلمند
سرخ آنکھیں              = گرم مزاج
سبز آنکھیں                =جلد سمجھنے والا
بلی جیسی آنکھوں والا =کھوٹے کام کرے گا ، بدفعل  ہو                                      گا
کانا                            =عموما برے چال چلن والا ہو گا
بھینگا                        = عموما فریبی ہو گا

عورتوں کے قیافہ میں چند مزید باتیں 

جس عورت کی ناک کی لو لمبی ہو گی وہ آنا پرست اور جھگڑالو ہو گی.ناک پر بال ہوں تو بدکار ہو گی.ناک نیچے کی طرف جھکی ہو تو عقلمند ، حاضر جواب اور ذہین ہو گی.طوطے کی طرح کی ناک ہو گی تو کینہ پرور ہو گی.عورت کی چھوٹی ناک اسکی کم مائیگی اور مفلسی اور لمبی ناک خوش بختی کی دلیل ہے.جس عورت کے رخساروں پر انگلے لگانے سے گڑھا پڑے وہ شہوت پرست ہو گی اور جس کے گالوں پر گفتگو کرتے ہوئے گڑھا پڑے وہ بدکار ہو گی.چھوٹے منہ والی عورت کو ہمیشہ رنج پہنچتا ہے اور بہت لمبے منہ والی عورت کنواری رہتی ہے یا جلدی بیوہ/مطلقہ ہو جاتی ہے اور بہت تکلیف اٹھاتی ہے.جس عورت کی ٹھوڑی پر بال ہوں یا ہونٹوں کے اوپر مونچھیں ہوں تو عموما ایسی عورت کا رجحان فعل بد کی طرف ہوا کرتا ہے.عورت کا ہاتھ اگر نرم و نازک ہو تو خوش قسمتی کی دلیل ہے.اگر ہاتھوں میں پسینہ آتا رہتا ہو تو بدبختی کی علامت ہے.اگر بائیں ہاتھ کا انگوٹھا چھوٹا ہو تو ہمیشہ ناجائز فعل کی خواہش کرنے والی ہو گی.ہاتھ سیدھا کرنے سے اگر خم پڑ جائے تو دولت مند ہو گی.ہتھیلی نرم و گداز ہو تو شرم و حیا والی ہو گی اور اگر سخت ہو تو کینہ پرور ہو گی